ਭੁੱਖਮਰੀ ਦੇ ਕੰਢੇ ’ਤੇ ਅਫ਼ਗਾਨਿਸਤਾਨ, ਇਸੇ ਮਹੀਨੇ ਖਤਮ ਹੋ ਜਾਵੇਗਾ 3.60 ਕਰੋੜ ਦੀ ਆਬਾਦੀ ਲਈ ਰਾਸ਼ਨ

ਅਫ਼ਗਾਨਿਸਤਾਨ ਦਹਿਸ਼ਤ ਦੀ ਗ੍ਰਿਫ਼ਤ ’ਚ ਹੀ ਨਹੀਂ, ਹੁਣ ਭੁੱਖਮਰੀ ਦੇ ਕੰਢੇ ’ਤੇ ਵੀ ਹੈ। ਕਰੀਬ 3.60 ਕਰੋਡ਼ ਦੀ ਆਬਾਦੀ ਦਾਣੇ-ਦਾਣੇ ਲਈ ਮੋਹਤਾਜ਼ ਹੋਣ ਵਾਲੀ ਹੈ। ਇਸ ਸਬੰਧ ’ਚ ਸੰਯੁਕਤ ਰਾਸ਼ਟਰ ਦੇ ਇਕ ਸੀਨੀਅਰ ਅਫ਼ਸਰ ਨੇ ਚਿਤਾਵਨੀ ਦਿੰਦੇ ਹੋਏ ਕਿਹਾ ਕਿ ਇਸੇ ਮਹੀਨੇ ਦੇ ਅੰਤ ਤਕ ਦੀ ਹੀ ਖ਼ੁਰਾਕ ਦੇਸ਼ ’ਚ ਬਚੀ ਹੈ। ਪਹਿਲਾਂ ਤੋਂ ਹੀ ਆਫ਼ਤ ਦੇ ਮਾਰੇ ਅਫ਼ਗਾਨਿਸਤਾਨ ਦੇ ਲੋਕਾਂ ਨੂੰ ਖਾਣਾ ਮੁਹੱਈਆ ਕਰਾਉਣ ਲਈ 20 ਕਰੋਡ਼ ਡਾਲਰ (ਕਰੀਬ 1461 ਕਰੋਡ਼ ਰੁਪਏ) ਰਕਮ ਦੀ ਤਤਕਾਲ ਲੋਡ਼ ਹੈ। ਨਾਲ ਹੀ ਅੰਤਰਰਾਸ਼ਟਰੀ ਫ਼ਿਰਕੇ ਨੂੰ ਇਨ੍ਹਾਂ ਲੋਕਾਂ ਦੇ ਖਾਣੇ ਦੀ ਵਿਵਸਥਾ ਕਰਨ ਲਈ ਤਤਕਾਲ ਠੋਸ ਕਦਮ ਚੁੱਕਣ ਦੀ ਅਪੀਲ ਕੀਤੀ ਹੈ।

 

ਸੰਯੁਕਤ ਰਾਸ਼ਟਰ ਦੇ ਵਿਸ਼ੇਸ਼ ਉਪ ਪ੍ਰਤੀਨਿਧ ਤੇ ਅਫ਼ਗਾਨਿਸਤਾਨ ’ਚ ਮਨੁੱਖੀ ਅਧਿਕਾਰ ਕਨਵੀਨਰ ਰਾਮਿਜ ਅਲਕਬਾਰੋਵ ਨੇ ਵੀਰਵਾਰ ਨੂੰ ਕਿਹਾ ਕਿ ਇਸ ਜੰਗ ਪ੍ਰਭਾਵਿਤ ਦੇਸ਼ ’ਚ ਘੱਟੋ ਘੱਟ ਇਕ ਤਿਹਾਈ ਲੋਕ ਇਹ ਨਹੀਂ ਦੱਸ ਸਕਦੇ ਕਿ ਉਨ੍ਹਾਂ ਨੂੰ ਹਰ ਰੋਜ਼ ਖਾਣਾ ਮਿਲੇਗਾ ਜਾਂ ਨਹੀਂ। ਇੱਥੇ ਇਹੀ ਹਾਲਤ ਹੈ। ਉਨ੍ਹਾਂ ਕਾਬੁਲ ’ਚ ਇਕ ਵਰਚੂਅਲ ਪ੍ਰੈੱਸ ਕਾਨਫਰੰਸ ’ਚ ਕਿਹਾ ਕਿ ਵਿਸ਼ਵ ਖ਼ੁਰਾਕ ਪ੍ਰੋਗਰਾਮ ਦੇ ਤਹਿਤ ਅਫ਼ਗਾਨਿਸਤਾਨ ’ਚ ਆਇਆ ਅਨਾਜ ਸਤੰਬਰ ਦੇ ਅੰਤ ਤਕ ਹੀ ਹੈ। ਸਾਡਾ ਪੂਰਾ ਸਟਾਕ ਖ਼ਤਮ ਹੋ ਜਾਵੇਗਾ। ਅਸੀਂ ਇੱਥੋਂ ਦੇ ਲੋਕਾਂ ਨੂੰ ਜ਼ਰੂਰੀ ਖ਼ੁਰਾਕੀ ਸਮੱਗਰੀ ਨਹੀਂ ਦੇ ਸਕਾਂਗੇ ਕਿਉਂਕਿ ਸਾਡਾ ਖਾਣੇ ਦਾ ਪੂਰਾ ਭੰਡਾਰ ਹੀ ਖ਼ਤਮ ਹੋ ਚੁੱਕਾ ਹੈ। ਖਾਣੇ ਦੀ ਮੌਜੂਦਾ ਮੰਗ ਨੂੰ ਪੂਰਾ ਕਰਨ ਲਈ ਸਾਨੂੰ 20 ਕਰੋਡ਼ ਡਾਲਰ ਦੀ ਲੋਡ਼ ਹੈ। ਤਾਂ ਜੋ ਸਭ ਤੋਂ ਜ਼ਿਆਦਾ ਪ੍ਰਭਾਵਿਤ ਲੋਕਾਂ ਨੂੰ ਖ਼ੁਰਾਕ ਮੁਹੱਈਆ ਕਰਾਈ ਜਾ ਸਕੇ। ਅਫ਼ਗਾਨਿਸਤਾਨ ਦੇ ਪੀਡ਼ਤ ਬੱਚਿਆਂ ਲਈ ਸਭ ਤੋਂ ਜ਼ਿਆਦਾ ਚਿੰਤਾ ਪ੍ਰਗਟਾਈ ਗਈ ਹੈ। ਦੇਸ਼ ਦੇ ਅੱਧੇ ਤੋਂ ਜ਼ਿਆਦਾ ਬੱਚੇ ਪੰਜ ਸਾਲ ਤੋਂ ਘੱਟ ਦੀ ਉਮਰ ਦੇ ਹਨ ਜਿਹਡ਼ੇ ਜ਼ਿਆਦਾ ਕੁਪੋਸ਼ਿਤ ਹਨ। ਹੁਣ ਇਨ੍ਹਾਂ ਬੱਚਿਆਂ ਨੂੰ ਖਾਣਾ ਮਿਲੇਗਾ ਹੀ ਨਹੀਂ। ਉਨ੍ਹਾਂ ਕਿਹਾ ਕਿ ਖ਼ੁਰਾਕੀ ਅਸੁਰੱਖਿਆ ਹੁਣ ਪੂਰੇ ਦੇਸ਼ ’ਚ ਘਰ ਕਰ ਚੁੱਕੀ ਹੈ। ਅਜਿਹਾ ਤਦੋਂ ਹੈ ਜਦੋਂ ਛੇ ਲੱਖ ਤੋਂ ਜ਼ਿਆਦਾ ਅਫ਼ਗਾਨੀ ਲੋਕ ਪਹਿਲਾਂ ਹੀ ਬੇਘਰ ਹੋ ਚੁੱਕੇ ਹਨ।

 

Leave a Reply

Your email address will not be published. Required fields are marked *