Celina Jaitly ਨੇ ਬਿਆਨ ਕੀਤਾ ਆਪਣਾ ਦਰਦ, ਦੱਸਿਆ – ਇੱਕ ਬੱਚਾ NICU ‘ਚ ਸੀ ਤੇ ਦੂਸਰੇ ਦੇ ਅੰਤਿਮ ਸੰਸਕਾਰ ਦੀ ਹੋ ਰਹੀ ਸੀ ਤਿਆਰੀ

ਨਵੀਂ ਦਿੱਲੀ : ਬਾਲੀਵੁੱਡ ਐਕਟਰੈੱਸ ਸੇਲਿਨਾ ਜੇਟਲੀ ਲਈ ਉਹ ਸਮਾਂ ਕਿੰਨਾ ਬੁਰਾ ਰਿਹਾ ਹੋਵੇਗਾ ਜਦੋਂ ਉਨ੍ਹਾਂ ਨੇ ਆਪਣੇ ਇਕ ਬੱਚੇ ਨੂੰ ਗੁਆਇਆ ਹੋਵੇਗਾ। ਆਪਣੇ ਜੁੜਵਾਂ ਬੱਚਿਆਂ ‘ਚੋਂ ਇਕ ਨੂੰ ਗੁਆਉਣ ਦਾ ਦਰਦ ਅੱਜ ਵੀ ਉਨ੍ਹਾਂ ਦੇ ਦਿਲ ‘ਚ ਤਾਜ਼ਾ ਹੈ। ਸੇਲਿਨਾ ਨੇ ‘ਵਰਲਡ ਪ੍ਰੀ-ਮਿਓਚਰ ਡੇਅ’ ‘ਤੇ ਸੋਸ਼ਲ ਮੀਡੀਆ ‘ਤੇ ਇਕ ਇਮੋਸ਼ਨਲ ਪੋਸਟ ਸ਼ੇਅਰ ਕੀਤੀ ਸੀ। ਇਸ ਪੋਸਟ ਰਾਹੀਂ ਉਨ੍ਹਾਂ ਨੇ ਆਪਣੇ ‘ਤੇ ਬੀਤੇ ਉਸ ਸਮੇਂ ਬਾਰੇ ਦੱਸਿਆ ਜਦੋਂ ਉਨ੍ਹਾਂ ਨੇ ਆਪਣੇ ਬੱਚੇ ਨੂੰ ਗੁਆਇਆ ਸੀ। ਸੇਲਿਨਾ ਦਾ ਇਹ ਪੋਸਟ ਤੁਹਾਡਾ ਦਿਲ ਛੂਹ ਜਾਵੇਗਾ।

‘ਵਰਲਡ ਪ੍ਰੀ-ਮਿਚਓਰ ਡੇਅ’ 17 ਨਵੰਬਰ 2011 ਨੂੰ ਸ਼ੁਰੂ ਕੀਤਾ ਗਿਆ ਸੀ। ਇਸ ਦਿਨ ਦਾ ਮਤਲਬ ਹੈ ਕਿ ਉਨ੍ਹਾਂ ਲੱਖਾਂ ਬੱਚਿਆਂ ਦੀਆਂ ਜ਼ਿੰਦਗੀਆਂ ਬਾਰੇ ਜਾਣਕਾਰੀ ਦੇਣਾ ਜੋ ਸਮੇਂ ਤੋਂ ਪਹਿਲਾਂ ਜਨਮ ਲੈਂਦੇ ਹਨ। ਉਥੇ ਹੀ ਉਨ੍ਹਾਂ ਦੇ ਜਨਮ ਦੌਰਾਨ ਆਈਆਂ ਸਮੱਸਿਆਵਾਂ ਬਾਰੇ ਵੀ ਦੱਸਿਆ ਜਾਂਦਾ ਹੈ। ਸੇਲਿਨਾ ਨੇ 17 ਨਵੰਬਰ ਨੂੰ ਹੀ ਕਾਫੀ ਇਮੋਸ਼ਨਲ ਪੋਸਟ ਲਿਖੀ। ਉਨ੍ਹਾਂ ਨੇ ਆਪਣੇ ਬੱਚੇ ਨਾਲ ਕੋਲਾਜ ‘ਚ ਤਸਵੀਰ ਵੀ ਸ਼ੇਅਰ ਕੀਤੀ ਹੈ। ਇਸਦੇ ਨਾਲ ਹੀ ਉਨ੍ਹਾਂ ਨੇ ਫੈਨਜ਼ ਕੋਲੋਂ ਆਪਣੇ ਬੱਚੇ ਲਈ ਦੁਆਵਾਂ ਵੀ ਮੰਗੀਆਂ ਹਨ।

ਸੇਲਿਨਾ ਨੇ ਆਪਣੀ ਇਸ ਪੋਸਟ ‘ਚ ਲਿਖਿਆ, ‘ਹਰ ਸਾਲ ਸਮੇਂ ਤੋਂ ਪਹਿਲਾਂ ਪੈਦਾ ਹੋਣ ਵਾਲੇ ਲੱਖਾਂ ਬੱਚਿਆਂ ਖ਼ਾਤਿਰ ਜਾਗਰੂਕਤਾ ਪੈਦਾ ਕਰਨ ਲਈ ‘ਵਰਲਡ ਪ੍ਰੀ-ਮਿਚਓਰ ਡੇਅ’ 17 ਨਵੰਬਰ 2011 ਨੂੰ ਮਨਾਉਣਾ ਸ਼ੁਰੂ ਕੀਤਾ ਗਿਆ ਸੀ। ਕਿਸੀ ਵੀ ਬੱਚੇ ਲਈ ਉਸਦਾ ਪ੍ਰੀ-ਮਿਚਓਰ ਜਨਮ ਹੋਣਾ ਇਕ ਬਹੁਤ ਹੀ ਗੰਭੀਰ ਸਮੱਸਿਆ ਹੈ। ਹਾਲਾਂਕਿ ਜਿਥੇ ਇਕ ਪਾਸੇ ਇਹ ਦਰਦ ਕਾਫੀ ਗਹਿਰਾ ਹੈ ਉਥੇ ਹੀ ਦੂਸਰੇ ਪਾਸੇ ਇਕ ਉਮੀਦ ਦੀ ਕਿਰਨ ਵੀ ਹੈ। ਜੋ ਵੀ ਪੇਰੈਂਟਸ ਨਿਓਨੇਟਲ ਇੰੰਟੇਸਿਵ ਕੇਅਰ ਯੂਨਿਟ (NICU) ‘ਚ ਹਨ, ਉਨ੍ਹਾਂ ਨੂੰ ਮੈਂ ਅਤੇ ਪੀਟਰ ਹੇਗ ਭਰੋਸਾ ਦਿਵਾਉਂਦੇ ਹਾਂ ਕਿ ਚੀਜ਼ਾਂ ਸਹੀ ਹੋ ਰਹੀਆਂ ਹਨ ਅਤੇ ਆਉਣ ਵਾਲਾ ਸਮਾਂ ਬਹੁਤ ਹੀ ਰੋਮਾਂਚਕਾਰੀ ਰਹੇਗਾ। ਅਸੀਂ ਉਸ ਅਸਹਿ ਦਰਦ ‘ਚੋਂ ਲੰਘੇ ਹਾਂ, ਜਦੋਂ ਸਾਡਾ ਇਕ ਬੱਚਾ NICU ‘ਚ ਸੀ ਅਤੇ ਦੂਸਰੇ ਦੇ ਅੰਤਿਮ ਸੰਸਕਾਰ ਦੀਆਂ ਤਿਆਰੀਆਂ ਕੀਤੀਆਂ ਜਾ ਰਹੀਆਂ ਸੀ। ਅਸੀਂ NICU ਦੇ ਡਾਕਟਰ ਅਤੇ ਨਰਸਾਂ ਦਾ ਧੰਨਵਾਦ ਕਰਦੇ ਹਾਂ ਕਿ ਆਰਥਰ ਸਾਡੇ ਨਾਲ ਘਰ ਆ ਸਕਿਆ।

ਉਸਨੇ ਲਿਖਿਆ, ‘ਕਈ ਪ੍ਰੀ-ਮਿਚਓਰ ਬੇਬੀਜ਼ ਪੂਰੀ ਜ਼ਿੰਦਗੀ ਮੈਡੀਕਲ ਚੈਲੇਂਜਸ ਦੇ ਨਾਲ ਜਿਉਂਦੇ ਹਨ, ਉਥੇ ਹੀ ਕੁਝ ਪੂਰੀ ਤਰ੍ਹਾਂ ਨਾਲ ਤੰਦਰੁਸਤ ਹੋ ਜਾਂਦੇ ਹਨ। ਕੁਝ ਤਾਂ ਵਿੰਸਟਨ ਚਰਚਿਲ ਅਤੇ ਅਲਬਰਟ ਆਈਸਟੀਨ ਤੇ ਹਾਂ, ਸਾਡੇ ਬੇਟੇ ਆਰਥਰ ਜੇਟਲੀ ਹੈਗ ਜਿਹੀਆਂ ਮਸ਼ਹੂਰ ਹਸਤੀ ਵੀ ਬਣ ਜਾਂਦੇ ਹਨ। ਆਰਥਰ ਲਈ ਆਪਣੀਆਂ ਦੁਆਵਾਂ ਅਤੇ ਅਸ਼ੀਰਵਾਦ ਜਾਰੀ ਰੱਖੋ ਅਤੇ ਹਾਂ, ਪ੍ਰੀ-ਮਿਚਓਰ ਬੱਚਿਆਂ ਦਾ ਧਿਆਨ ਕਿਵੇਂ ਰੱਖਿਆ ਜਾਵੇ, ਇਸ ਬਾਰੇ ਪੜ੍ਹਦੇ ਰਹੋ।

Leave a Reply

Your email address will not be published. Required fields are marked *