ਜਨਤਕ ਤੌਰ ‘ਤੇ ਕੋਰੋਨਾ ਦੀ ਵੈਕਸੀਨ ਲੈਣਗੇ ਬਾਇਡਨ

ਨਵੇਂ ਚੁਣੇ ਰਾਸ਼ਟਰਪਤੀ ਜੋਅ ਬਾਇਡਨ ਨੇ ਕਿਹਾ ਹੈ ਕਿ ਉਹ ਜਨਤਕ ਤੌਰ ‘ਤੇ ਕੋਰੋਨਾ ਦੀ ਵੈਕਸੀਨ ਲੈਣਗੇ ਤਾਂਕਿ ਲੋਕਾਂ ਵਿਚ ਇਸ ਦੀ ਸੁਰੱਖਿਆ ਨੂੰ ਲੈ ਕੇ ਵਿਸ਼ਵਾਸ ਪੈਦਾ ਹੋ ਸਕੇ। ਸੀਐੱਨਐੱਨ ਨੂੰ ਦਿੱਤੇ ਇੰਟਰਵਿਊ ਵਿਚ ਬਾਇਡਨ ਨੇ ਕਿਹਾ ਕਿ ਲੋਕਾਂ ਨੂੰ ਵੈਕਸੀਨ ਦੀ ਗੁਣਵੱਤਾ ਨੂੰ ਲੈ ਕੇ ਵਿਸ਼ਵਾਸ ਨਹੀਂ ਹੈ। ਉਨ੍ਹਾਂ ਨੂੰ ਇਹ ਲੱਗਦਾ ਹੈ ਕਿ ਇਹ ਕੰਮ ਨਹੀਂ ਕਰੇਗੀ। ਉਧਰ, ਬਾਇਡਨ ਨੇ ਦੇਸ਼ ਦੇ ਸਭ ਤੋਂ ਵੱਡੇ ਇਨਫੈਕਸ਼ਨ ਰੋਗ ਮਾਹਿਰ ਡਾ. ਐਂਥਨੀ ਫਾਸੀ ਨੂੰ ਮੁੱਖ ਡਾਕਟਰ ਸਲਾਹਕਾਰ ਦੇ ਅਹੁਦੇ ‘ਤੇ ਬਰਕਰਾਰ ਰੱਖਣ ਦਾ ਫ਼ੈਸਲਾ ਲਿਆ ਹੈ। ਡਾ. ਫਾਸੀ ਕੋਰੋਨਾ ਸਲਾਹਕਾਰ ਟੀਮ ਦੇ ਮੈਂਬਰ ਵੀ ਬਣੇ ਰਹਿਣਗੇ। ਡਾ. ਫਾਸੀ ਨੈਸ਼ਨਲ ਇੰਸਟੀਚਿਊਟ ਆਫ ਐਲਰਜੀ ਐਂਡ ਇੰਫੈਕਸ਼ਨਜ਼ ਡਿਜ਼ੀਜ਼ ਦੇ ਡਾਇਰੈਕਟਰ ਹਨ।

ਬਾਇਡਨ ਨੇ ਬਿ੍ਯਾਨ ਡੀਜੇ ਨੂੰ ਬਣਾਇਆ ਆਰਥਿਕ ਸਲਾਹਕਾਰ

ਨਵੇਂ ਚੁਣੇ ਰਾਸ਼ਟਰਪਤੀ ਜੋਅ ਬਾਇਡਨ ਨੇ ਬਿ੍ਯਾਨ ਡੀਜੇ ਨੂੰ ਆਪਣਾ ਚੋਟੀ ਦਾ ਆਰਥਿਕ ਸਲਾਹਕਾਰ ਬਣਾਉਣ ਦਾ ਫ਼ੈਸਲਾ ਕੀਤਾ ਹੈ। 42 ਸਾਲਾਂ ਦੇ ਬਿ੍ਯਾਨ ਰਾਸ਼ਟਰੀ ਆਰਥਿਕ ਪ੍ਰਰੀਸ਼ਦ ਦੇ ਪ੍ਰਮੁੱਖ ਦਾ ਅਹੁਦਾ ਸੰਭਾਲਣ ਵਾਲੇ ਸਭ ਤੋਂ ਨੌਜਵਾਨ ਵਿਅਕਤੀ ਹੋਣਗੇ। ਉਨ੍ਹਾਂ ਦੀ ਨਿਯੁਕਤੀ ਇਸ ਗੱਲ ਦਾ ਸੰਕੇਤ ਦਿੰਦੀ ਹੈ ਕਿ ਅਮਰੀਕੀ ਅਰਥਚਾਰੇ ਨੂੰ ਫਿਰ ਤੋਂ ਪਟੜੀ ‘ਤੇ ਲਿਆਉਣ ਦੀ ਦਿਸ਼ਾ ਵਿਚ ਬਾਇਡਨ ਦਾ ਮੁੱਖ ਫੋਕਸ ਪੌਣਪਾਣੀ ਪਰਿਵਰਤਨ ‘ਤੇ ਹੋਵੇਗਾ। ਦੱਸਣਯੋਗ ਹੈ ਕਿ ਬਿ੍ਯਾਨ ਨੇ ਆਟੋ ਇੰਡਸਟਰੀਜ਼ ਨੂੰ ਬੇਲਆਊਟ ਪੈਕੇਜ ਦੇਣ ਵਿਚ ਨਾ ਕੇਵਲ ਸਾਬਕਾ ਰਾਸ਼ਟਰਪਤੀ ਬਰਾਕ ਓਬਾਮਾ ਦੀ ਮਦਦ ਕੀਤੀ ਸੀ ਸਗੋਂ ਪੈਰਿਸ ਸਮਝੌਤੇ ਦੀ ਵਾਰਤਾ ਨੂੰ ਅੰਜਾਮ ਤਕ ਪਹੁੰਚਾਇਆ ਸੀ।